අලුත් මනමාලි හා පරණ දෑවැද්ද - දෙවන කොටස

               දැන් මේක දෙවන කොටස නම් කෝ පළවෙනි කොටස. පළවෙනි කොටස ලිවුවෙ මීට අවුරුදු 2යි මාස 6කට විතර කලින්. මේ තියෙන්නෙ කියවලම බලන්නකො. එදා මගේ රූමගේ ඕන කමකට ඒක හොයා ගත්තට මේ පාරනම් මටම ඕන වෙලා හොයා ගත්ත දෙයක් ගැන තමයි ලියන්න හදන්නෙ...

               කේෂාන් පොඩිකාලෙ ගොඩක් ආසාවෙන් කරපු දෙයක් තමයි TV Games ගහපු එක. (කේෂාන් විතරක් නෙමේ මේ Blog එක කියවන ගොඩක් අයත් එහෙම තමයි කියල මම දන්නව. ) තලපතා ගැහුව වගේ TV එක ඉස්සරහ බිම පෙරලීගෙන පැය ගනන් TV Games ගහපු හැටි තාමත් මතකයි. සමහර දවස් වල නවත්තන්නෙ අම්ම ඇවිත් TV එක වහල දැම්මාම තමයි.

               ලගදි දවසක කේෂාන් උඩ බලාගෙන කල්පනා කරන කර ඉන්නකොට නිකමට වගේ පොඩී ආසාවක් ආව අපහු ඒ Games එකක් දෙකක් සෙල්ලම් කරන්න. ​Google දෙයියගෙන් පොඩ්ඩක් අහල බැලුව මොනවගේ දෙයක්ද කරන්න පුළුවන් කියල. ඔන්න එතකොට තමයි VirtuaNES කියල දෙයක් ගැන හොයා ගන්න පුළුවන් වුනේ. (කෝ මේකෙ L අකුර කියල මගෙන් නම් අහන්න එපා. මොකද මම ඕක හොයා ගන්න කොටත් L අකුර තිබුනෙ නෑ.)

                මොකක්ද මේ VirtuaNES කියන්නෙ..  මෙන්න මෙහෙම තමයි එයාල නම් කියන්නෙ... VirtuaNES is Famicom/NES emulator for Win32 Programmed by Norix. තේරෙන විදියට කියනවනම් මේක NES Files, Windows වල run කරන්න පුළුවන් software එකක්.

                NES කියන්නෙ Nintendo Entertainment System කියන එකේ කෙටි යෙදුමක්නෙ. අපි TV එක ලග පැය ගනන් වාඩි වෙලා සෙල්ලන් කරපු Games ගොඩක මුල් අයිති කාරයො එයාල තමයි. අපි හැමෝම දන්න මාරියෝ සහෝදරයොත් මෙයාලගෙම නිර්මාණයක් තමයි.

                  VirtuaNES හරිම සරල Software එකක්. එක සාමාන්‍ය විදියට run කරල අපිට ඕන කරන NES File එක Open කර ගන්න පුළුවන්. ඊට පස්සෙ ඉතින් තියෙන්නෙ අවුරුදු ගානකට කලින් ගහපු ඒ Games ආපහු දිව හපාගෙන ගහන්න තමයි. (දිව හපාගන්න ඕනෙම නෑ... ඒක Optional)
 

මේ තියෙන්නෙ කේෂාන්ගෙ ආසම TV Game එක VirtuaNES එකේ වැඩ කරන විදිය. 

                ඔන්න ඉතින් කේෂාන් දිව හපාගෙන Contra ගහනව. ටික වෙලාවකින් කවුදෝ මන්ද හරිම දුකෙන් අඩනව වගේ ඇහුන. බලනකොට Lap එකේ Key Board එක. මේ විදියට Games ගහන්න ගියොත් Contra ඉවර වෙන්න කලින් මගේ Lap එකේ Keyboard එක ඉවර වෙනව කියල මට තේරුනා..  ඒකට විසදුමක් විදියට external key board එකක් හයි කරගෙන ටිකක් වෙලා සෙල්ලන් කරා.ඒත් අර TV එක ලග නිදාගෙන Joystick එකන් Game ගහපු feeling එක එන්නෙ නෑ වගේ දැනුන.

              දැන් ඉතින් ඒකට විසදුමක් හොයන්න ඕනෙනෙ.... . මීට අවුරුද්දකට විතර කලින් ebay කඩෙන් ගත්ත Joystick එකකත් හොයා ගෙන ඒක VirtuaNES වලට පූට්ටු කරන්න try එකක් දුන්න. වැඩේ සාර්ථකයි. වීන හදපු Joystick එක VirtuaNES එකක් එල කිරි වගේ වැඩ. දැන් කේෂාන් සතියක විතර ඉදන් කරන්නෙ මේකෙන් Games ගහන එක තමයි.

 

මෙන්න මේ Interface එක use කරල අපිට ඕන විදියට Joystick එකේ keys map කර ගන්න පුළුවන්.

 මේ තියෙනනෙ කේෂාන්ගෙ සිත් ගත් Games දහය (ඒක නිකන් අර TV එකේ යන සින්දු program එකක නමක් වගේ නේද? )

             ඇත්තටම කේෂාන්නම් මේ Games වලට තාමත් ආදරෙයි. ඒව සෙල්ලම් කරන්න තාමත් ආසයි. සමහර අය හිනා වෙන්න පුළුවන් හපෝ උඔ ගහන්නෙ ඔය games ද කියල. ඒත්... Call of Duty, Far Cry, Sniper Ghost Warrior වලට වඩා Contra වලට කේෂාන් තාමත් ආසයි. NFS Shift, NASCAR වලට වඩා F1-Race වලට කේෂාන් තාමත් ආසයි. 

(කේෂාන් කොච්චර TV Games වලට කැමතිද කියනව නම්... TV Game ගහන්නම කියල Handheld Game Console එකක් ගත්ත. ඒකත් ආවාම එක ගැනත් තව පොස්ට් එකක් දාන්නම්. )